Hallo, Basti!
I glaub, mia san heit amoi per Du.
Immahin könnt i locka Dei Papa sein - könnt i, net, dass sowas sein müsst.
Seit a poa Dog geistat mia wos im Kopf umanand und jetzt muass is aufschreim.
Es warat wegn da Dolleranz.
Vorigs Joa hob i mein Sechzga gfeiat. Hundatochzg Leit woan do. I hob wos gsungen und mei Bruada hod mi auf da Gitar begleitet. A bissl RocknRoi und a bisl Blus.
Und dann woan ma no a bisl schekn in da Diskothek. Fifties, Sixties, Ochzga, Neunzga Joa Musik. Wos uns hoid so gfoid.
Und - so laaads ma tuat: Ka bisl Gabaljeh.
Goa kana. Mia gfoid dea ned. Und es woa mei Sechzga und do deaf i mia aussuachn,
wos gschpüd wiad.
Sogn ma amoi, a Freind fo mia hed Gebuadsdog ghobd und hed an Gabaljeh hean woin: Okeee, hed i ma dochd, is zwoa ned meins, owa wanns eam a Freid mochd: bitteee.
Waaaßt, Basti, sowos nennd ma Dolleranz.
Und waaaßt no wos: I glaub, da Herr Gabaljeh und Du, Ihr kennts Eich damit üwahaupt ned aus. Und jetzt sog i da no wos: Mauchmoi glaub i, Du gschpiast Di goa ned. Und, gaunz ealich: Des find i fuachboa.
