Zuerst amal hamma das Epidemiegesetz abgschafft.
Weil wegn dem hättma nämlich allen, die per Gesetz zusperren müssen,
eine Entschädigung zahlen müssen. Erledigt.
Oder "Check", wie die Neumodernen des nennen.
Dann hamma gsagt: Koste es, was es wolle.
Und wir lassen niemanden hängen. Des hat uns ganz viel Rührung einbracht und der Fellner hat einen Weinkrampf kriegt, weil wir so anzahn.
Hamma eh gleich gwusst, dass des ned stimmt.
Aber wieder amal a Pressekonferenz mit Bravour bewältigt.
Und unsere Fans liegen mit Schnappatmung am Bauch.
Und jetzt is uns der absolute Hattrick gelungen
(faszinierend, was die Welt des Sports für tolle Vokabel für uns bereit hält)!
Die EPU und die KMU - eh ned unbedingt unser Klientel -
hamma jetzt amal ordentlich aussortiert. Wahrscheinlich war's des, was der ehrwürdige Herr Gouverneur gmant hat, wie er von den "überlebensfähigen Betrieben" gredt hat. (Ein Wort, des uns die message controller verboten ham.
Aba Recht hat er, der oide F-ler).
Ganz präzis:
Wer weniger als 5.000,- und mehr als 60.000,- im Jahr verdient, kriagt genau nix.
Goa nix!
Na, wie hamma des wieda amal hinkriegt. Hin sans!
San eh imma nua lästig und mochn an Ärger bei den Wahlen.
Wos so a klaner Virus füa an Kollerateral-Effekt mitbringt: Olle Ochtung!
Na jo. Spätestens im Somma is zsammgramt.
Nua die Stoakn komman duach.
Wos ma eh imma sogn.
Des geht natüalich a nua aus ana Position der Stärke.
Du brauchst an ordentlich gepolsterten Posten auf Staatskostn und ausreichend Wähla (jessas: und Wählarinninnen - hod ma da Spin Dokta eingschärft!), denen eh ois wuascht is und da Ladn rennt.
Guat hammas gmocht.
Wiedaschaun! Und: Xund bleibm, gö, weu des is doch des Wichtigste heitzudog!
Kommentar schreiben